SHILLONG: Meghalaya a·doko bobil dake chakatgipa dolko bikotna jotton ka·anina songsalna kam ka·gipa Joannes Lamare-ko man·chape gimik mande sakbriko police-rang rim·aha.
Koborko on·ani gitade, a·doko bobil dake chakatgipa dolko bikotna gita ia manderang, National Socialist Council of Nagalim (NSCN-IM)-ni dakchakaniko ra·engachim.
Nagaland a·dokni Dimapur jolo donggipa Hebron-o NSCN-IM-ni central headquarter-ona re·angani ja·man police-rang ia mande sakbriko ja·rikna a·bachengaha aro uandaken ja·mano ia manderangko rim·na man·aha.
East Khasi Hills a·jani Superintendent of Police (SP) Sylvester Nongtnger-ni kobor ra·timgipa manderangna parakatani gitade, NSCN-IM camp-oni re·bapilengmiting somoio ia mande sakbrini gariko police-rang, Sukrobar walo Ryndang Briew sambao rim·soaha.
Police-rang ia manderangni gimin am·sandianirangko dakengkua ineba SP parakataha.
Koborko on·ani gitade, rim·a man·gipa manderangko da·o quarantine centre-o donengkua aro bakan uamangko kachario mikkangpaatgnok.
Iani bidingo police-rang, Mawlai Police Station-o IPC Section 120B, 121, 121A aro 34-ni ning·o mokordomako ka·aha.
