SHILLONG: Meghalaya a·dokoba COVID-19 giproroani a·sel baditaba jarangna chipe donatani ja·man da·o a·dokni dingtang dingtang biaprango donggipa Border haat-rangkoba sorkari, da·al (Sombar) sal dipet kulipiltaina tik ka·angaha.
Iani bidingo u·iataniko on·angengon, a·jatangtango ong·enga obostarangko niroke, a·jani deputy commissioner-rang, border haat-rangko kulipiltaina man·gnok ine a·dokni Chief Secretary MS Rao parakataha.
Education department-ni dongimin niamrangko ja·rike aro district administration-rangoniko permission ra·chengenba, university aro college hostel-rangko kulipiltaichina gitaba a·dokni Chief Secretary, ge·etaniko on·ataha.
Mande sianirango tom·na dongimin niamrangni gimin janapatskaengon, da·ode mande sianirango sak 50 tom·na man·gnok ine Chief Secretary-ni on·atgipa u·iatanio parakataha.
