SHILLONG: Garolandna kamko ka·anio bilakdapatangna gita miksongani gnang, Garoland State Movement Committee (GSMC) Head Quarter Tura, re·anggipa October 9 tarik Sonibar salo dingtangmancha tom·aniko ong·atenba Rengmagri area-na uamangni gitalgipa Unit-ko songe on·aha.
Ia Unit-ko songanio Dadenggre Western Zone-ni Chairman Pa willingbath M Marak, Head Quarter-ni Co-chairman Balkarin Ch Marak aro Asst General Secretary Cyril A Sangma mang mongsonggipa ong·e sokaha.
Dingtang a·dokna dabiengon an·tangtangko on·kanggipa aro jatna kakketo bimchipgipa ong·na nanga aro ia A·chik A·song chonbegipasan ong·a, ia chonbegipa ong·oba an·ching A·chik jatrangna gamchata aro ian Nokgipa Isolni pattigimin A·chik jatna A·song ong·a, uni gimin ia chonbegipa A·chik A·ongko chasongna tangkamatna aro Garoland State-na dabianio krenge krimkro kam ka·na ine Assistant General Secretary Cyril A Sangma aganaha.
Garoland State-na dabianiara da·o mangmang dabianisan ong·ja, India A·songko British sorkarichi sason ka·ani somaionin Pa Sonaram R Sangmani dabidilbagipa ong·a ine Co-chairman Balkarin Ch Marak aganaha.
Tom·ani somoio, ge·song gital Unit-ko re·dilna gita dilgiparangkoba seokaha, uamangara Chairman Silseng A Sangma, Co-chairman Mewil Sangma, General Secretary Manrik Sangma, Asst General Secretary Agin Sangma, Chief organisazer Simbal Marak, finance secretary Sengmit Marak, asst. finance secretary Sengku Marak, Games and sports secretary Ishabell Marak, Art and cultural secretary kingbirth Marak, Environmental secretary Manseng Sangma publicity secretary Binjang Sangma Social and Welfare secretary Hinstone Sangma aro Chief advicer Elbirt Ch Marak.
