SHILLONG : Re·baenggipa October 30 tariko Mawphlang, Mawryngkneng aro Rajabala assembly constituency-rangna by-poll ong·atnasienggipao susaatenggipa party candidate-rangna, manderangni chakpaaniko man·na gita A·dok Congress da·alonin campaign ka·anirangko a·bachengatgnok.
Bypoll-rango susana gita nomination nomination file ka·giparangko niroke parakatahaon, badita sak canidate-rang bypoll-o susatokgen uko ma·sina man·ani ja·mano, chinga chingni candidate-rangna gisiko nangen campaign ka·chakkatgnok ine Congress-ni ku·wattimgipa aro Mawsynram MLA, Himalaya M Shangpliang aganaha.
“Anga Mawphlang constituency-ko nirokenga aro Mawryngkneng aro Rajabala-ni bang·a bang·ja biaprangonaba wenanggen. Anga angni campaign ka·aniko da·alonin Mawponghong songoni a·bachenggnok,” Shangpliang aganaha.
Congress, namgipa candidate-rangkon susaatenga ine aganengon, ‘‘an·chingni a·doko namgipa sorkariko nangenga aro a·dokna namgipa dilgiparangko nangenga ine manderangko ma·siatna chinga jotton ka·gen, iana Congress daito ra·nagipa dilgiparangko seokaha ine campaign ka·anio manderangna ma·siatna jotton ka·gen aro gisik name da·aloni campaign ka·chakkatgen’’ ineba Congress dilgipa aganaha.
Unomitingo, Rajabala constituency-ni pilak obostarangkon Congress dilgipa, Dr Mukul Sangma jako ra·e nirokenga ineba Congress-ni ku·wattimgipa aganaha.
“Chinga ka·donga je Rajabala seat-de Congress-ni jakon ong·gen. Rajabalani Congress candidate Madam Yasmin, jean Dr Azad-ni sia ja·manonin kingkot kamrangko ka·enga aro una ka·sachakgiparangba bang·en dongenga,” Shangpliang agandapaha.
