SHILLONG: Meghalaya a·dokni BJP Executive meeting-ko mijal Sonibar salo BJP State Party Office-o ong·atangaha. Meeting-ko State President Ernest Mawrie chalaiaha aro ua tom·ao Executive Member-rang, District President-rang aro Morcha President-rang dongpaaha.
Meeting-o Chuba Ao State Prabhari aro National Vice-President, A.L Hek National Executive Member-ba dongpaaha.
Executive Meeting-o dolko bilakbatatani gimin chanchiaha. Pilak District President aro Morcha President uamangni report-rangko on·angaha. Meeting-o Political Resolution-koba pass ka·aha.
2021 November 19-20-ona Shillong-o state executive-ni ka·gipa meeting-o BJP Meghalaya Pradesh, sabisini somaimitingo chingni mande ra·ako mana kragipa Prime Minister Narendra Modiji-ni namgipa ba krengani kamrangna mitelaha aro rasongko chaataha. GareebKalyan package ba gong lak kror 1.70 tangka-paisako lockdown-ko ka·miting konta 48-ni gisepo a·songni cha·a sigiparangko alduna aro chingni a·doko on·enggipa ration ‘Khaw Modi’ ine minsing-mingamako man·pilaha.
Songpanggiparangni samrangko nambatatna sorkarini krenganio Atmanirbhar Bharat ba Self-Reliant India-ko ong·atna maniao chingni a·songna dal·a kamko ka·aha. A·songni pilak songpanggiparangna tikkarangko indin su·aha. Ia indin on·gipaoniko pilak namgniko man·aha.
A·dokni party pilak chegijagipa election-rango gisik nange kamko ka·aha. Namedake chek ka·ai niani ja·mano election-na skang hisapa aro ka·dongsoa chongmot obostao melijaha maina chinga ua somaio ong·gija chanchigiparangko ma·sina man·jaha aro indake uamangko talatna man·jaha.
Chingni da·o ong·enggipa obostani bidingo chinga a·dok office bear-rangni, state executive meborrang, karkyakartas aro party-ko namnikgiparangni committee-ko songgen. Ia committee, bang·a election-rango chingni kamrangko nipilanggen aro report-ko on·gen jeoan mikkangchi miksonge kam ka·gnina de·e mesokgen.
Somai somaio a·dokni party chanchiako janapaha aro cha·bok-rusiani bidingo ku·rang on·aha. Ian bang·a kobor songbad-rango nakatna man·gen. Chinga cha·bok-rusiako bon·atna chinga amaona kingking chinga dakgrikna amenga.
BJP Meghalaya Pradesh, tanggitik aro ru·uta sal somaina ra·bianirangko warachakna mangrakatna gadangantio party-ko bil gnangatna chanchiaha. Party-ni miksong-chanchianina chinga piltaie ku·rachaktaienga.
