SHILLONG: Meghalaya a·doko mijal salni bako sak 19 manderang COVID-19 sabisiko man·daptaiaha, apsan salni bakon sak 9 manderang sabisioni nampilaha, unomitingo East Khasi Hills-o, saksa COVID sabisini a·sel mijalo siangtaiaha, jean Covid tikka su·kujachim.
Mijal salni bako East Garo Hills-o sak 1, East Jaintia Hills-o sak 17 aro South West Khasi Hills-o sak 1, gimik sak 19 manderang COVID man·dapaha.
Unomitingo sak 9 manderang mijal salni bako COVID-oni nampiltokaha, uamangoni, East Garo Hills-o sak 1, East Khasi Hills-o sak 4, Ri-Bhoio sak 1, West Garo Hills-o sak 1, West Jaintia Hills-o sak 1 aro West Khasi Hills district-oni saksa.
Meghalaya a·doko COVID sabisiko man·giparang gimikchide sak 84,480 gapangaha, uamangoni sak 82,713 manderang sabisioni an·sengpilaha aro sak 1,473 manderang sabisio siangaha. Covid sagiparang a·doko da·oba sak 294 dongkuenga.
Meghalayao da·o dipet sak 294 COVID sagiparang dongkuenga, uamangoni East Garo Hills-o sak 4, East Jaintia Hills-o sak 2, East Khasi Hills-o sak 249, Ri-Bhoio sak 9, West Garo Hills-o sak 9, West Jaintia Hills-o sak 9 aro West Khasi Hills-o sak 12 dongkuenga.
