SHILLONG: Ru·utgija sal somaio All India Trinamool Congress-o bakrimgipa sak 12 MLA-rangna constitution-ni 10-gipa schedule-ni ning·o uamangko ra·gal-china dorkasto on·gipani gimin aganchakchina uamango sing·doe Megha-laya Legislative Assembly-ni Commissioner aro Secretary lekka sokataha.
Dorkastoko namedake chekani ja·mano u·iatani kinggipin lekkako Dr Mukul Sangma aro sak 11 sakgipin MLA-rangna watataha. Rule 7 (3)(b)-ni ning·o nangenggipa ong·ani gimino salsni gisepo Assembly Secretariat-na aganchakani chittiko on·a man·a gita mol·molan baksa dosirangna uamangni aganchakanirangna ua-mangna dorkastoni king-gipinko watatchina Speaker ge·etaha.
Indake ong·engon, CLP Leader, Ampareen Lyng-doh jean badi ka·doaha, uni on·gipa dorkastoni gimin Speaker name ka·ani uamangna ua mongsong-gipa ong·a ine aganaha.
“Ia kam niam gita re·anggen aro Dr Mukul Sangma aro gipinrangni membor ong·aniko ra·galna nangnikenggipa obostako bichal ka·anggen ine anga ka·dongenga,” Lyngdoh aganaha.
Uamangni party-na mongsonggipa somai ong·aniko janape, salsa ba salgnini gisepo Charles Pyngrope aro Shitlang Pale-maangni kosako ua dosrkastoko on·gen ine Lyngdoh u·iatjolaha. Uamangni seokako man·-gipa dilgipa a·songni democracy-ko jakkalsretja-china gita electorate-ni bil-rengsirangko man·chape gipinrangni chanchichina ua aganaha.
