SHILLONG: Sukrobar saloba Meghalaya Pradesh Youth Congress (MPYC)-oni sak 400-na baten membor-rang ong·katgrimtaiahani a·sel Meghalaya a·doko Congress dol bilgribatatako man·angtaiaha.
Bristibar saloba East Khasi Hills a·jao donggipa NSUI-oni sak 600 membor-rang, Congress doloni ong·katgrimna tik ka·ahachim ine nikna man·a.
Congress doloni ong·katgrimani ja·man MPYC-ni general secretary Fernandez Dkhar, Shillong Press Club-o kobor ra·timgiparangna aganprakatengon, ong·gija dakgipa manderangko aro bading chiwalgiparangko Meghalaya Pradesh Congress Committee (MPCC)-ni president Vincent Pala, Congress dolo rimnapna jotton ka·engani gimin uamang suk ong·jae Congress doloni ong·katgrimaha ine parakataha.
“Airport ba hotel-rangoba skatang manderangko Congress dolo biming segatenga ine chinga nikna man·enga. Chingni nikani gitade ua Congress dolni niamrangko ja·rikgija skatangsa manderangko biming segatenga,” ine Dkhar parakataha.
Manderangko Congress dolo biming segatengon, Block Congress-ni dilgiparang baksa agangrikchengna nangachim ineba ua aganaha.
Adita salrangna skang GNLA bobil dolni gitcham chairman Champion R Sangma-koba Congress dolo rimnapahani gimin ua uko miksongengama ine sing·on, uni janapanio ua pilakkon man·gopenga ine Dkhar parakataha.
November 20 tariko enrolment drive-ko a·bachengatna skangan MPYC-ko bon·atchina gita a·doko Congress dolko dilgipa, IYC-ko didiataha ineba ua an·tangni suk ong·gijaniko parakataha.
 |
ReplyForward
|
