TURA: Garo Hills Autonomous District Council (GHADC)-ni on·gipa Trading for Non-Tribals (TNT) licence gri Garo Hills-ona re·bae bading chiwalenggipa mande saksako Garoland State Movement Committee (GSMC)-ni membor-rang rim·enba ja·mano police-rangna pakwate on·ataha.
GSMC-ni ku·wattimgipa Ryan Ch Marak-ni parakatani gitade, Assam Mankachar jolo donggipa Berabhanga Part I songoni saksa Sayadul Islam minggipa mande, Garo Hills-ona re·bae TNT licence gri ma·manti bosturangko palbadingengachim indiba ja·mano ia mandeko GSMC-ni membor-rang rim·e police-rangna pakwate on·ataha.
Garo Hills-o bading chiwale cha·enggipa pilak non-Tribal-rangan GHADC-ni tarie on·gipa TNT licence-rang gnangsa bading chiwale cha·na man·achim ine nikna man·a.
