SHILLONG: Meghalaya a·doko COVID-19-ni tikako su·e ra·na chol man·enggipa gimik sak lak 20.25 manderangoni 61 percent-na baten skanggipa tikako su·e ra·tokmanaha ine Bristibar salo, health official parakataha.
A·doko tika su·e ra·mangimin manderangoni 43 percent-de tika ponggnikon su·e ra·manaha ine Health Services (MI)-ni Director Dr Aman War parakataha.
“Meghalaya a·doko 61.2 percent-de skanggipa pongko su·e ra·aha aro 43.9 percent-de tika ponggnikon su·e ra·manaha,” ine Dr War aganaha.
South West Garo Hills a·jao gimik sak 93,836 manderangko tika su·na nisan ka·gipaoni da·o dipet 92 percent-ko su·na man·ahani gimin bang·batgipa ong·enga aro West Khasi Hills a·jaode da·o dipet 40 percent-kosan su·na man·skaengkua ineba Health official parakataha.
Meghalaya a·doko COVID-19-ni gital Omicron rokomko man·gipa sakbri manderangoni sakgittamde nampilna man·aha aro da·o saksasan dongaiaha ineba Health Services (MI)-ni Director Dr Aman War parakataha.
Dr War-ni parakatani gitade, da·o dipet ming lak 12.58-na baten sample-rangko COVID-19-na porikka ra·e nimanskaaha.
