SHILLONG: Sorkari, Meghalaya-ni gitcham DGP R Chandranathan, jean re·anggipa bilsi December ja 31 tariko kamoni retire ong·aha ba neng·taka-hachim, uko sorkarini Security Advisor seokaha.
Butbar salo Home (Police) department-ni Additional Chief Secretary incharge DP Wahlang-ni on·gipa notification-o janapani gita security advisor-ni duty ba kamara Ministry of Home Affairs aro gipin central & intelligence agency, VIP security baksa melie kam ka·ani ong·a.
Notification-ni gita, security advisor-ni office, New Delhi, APJ Abdul Kalam Road, Resident Commissioner-o ong·gen.
Gitcham DGP-na jaanti honorarium gong 74,000 tangkako TA/DA baksa on·gen. Aro uko bilsi-sanasan songchengaha, ja·man nangnika ong·ode baridapatnaba donga.
Notification-ni gita, security advisor-na New Delhi-o official vehicle ba gariko sorkarini niam gita on·gen.
R Chandranathan, Meghalaya-o DGP ong·e bilsi gittamna baten dangdike on·angaha.
