BAGHMARA: Bristibar salo, Meghalaya a·dokni Chief Minister Conrad K Sangma, South Garo Hills a·jaona re·angenba, Farmers Collectivisation for Upscaling Production & Marketing System (FOCUS)-ni program-ko Baghmara kal·chakramo ong·atangaha aro ia tom·anio ua dingtang dingtang producers group-rangna gimik gong kror 1 lak 10-ni cheque-rangko suale on·angjolaha.
Ia program-ko ong·atanio a·dokni Chief Minister, jinmana aganprakangengon, sorkarini ra·gatgipa dingtang dingtang kamrangni gimin talataniko on·angenba, game ge·e cha·giparangna dakchakanirangko on·na gita game ge·e cha·gipa aro bading chiwalgiparangni nangrime bikotgipa producers group-rangna member sakprako gong 5000/- ka·e tangka paisarangko on·e dakchakenga ine parakangaha.
Ia FOCUS program-ko a·bachengatanichi a·dok gimiko lakbrina baten nokdangrang namgnirangko man·engaha ineba Chief Minister parakataha.
Ia tom·anio ua game ge·e cha·giparang aro RESCUE Mission-ni ning·o an·o donggipa me·chikrang baksaba agangrikangaha aro Social Assistance-ni namgniko man·enggipa manderang baksaba tom·aniko ong·atangjolaha.
Tom·a matchotani ja·mano ua Baghmara Greater Water Supply Scheme aro PMGSY-ni ning·o Karukol-oni Tolegre-ona tariangengipa ramakoba niangjolaha.
Ia apsan salon ua Captain Williamson Memorial Government College-onaba re·ange, gital rikenggipa college building-ko niangaha.
Ia tom·anio Chief Minister baksana dongpae bakko ra·anggipa gipin manderangara, Rongara-Siju-ni MLA Rakkam A Sangma aro gipinrang ong·a.
SGH-ni producers group-rangna CM-ni jakchi cheque-rangko sualanga
Date:
Share post:
