SHILLONG: Sakbri MCS officer-rangni writ petiton on·gipani bidingo Meghalaya High Court, mija Bristibaro bon·kamgipa raiko on·aha aro 2010 bilsio kamo napsogiminrangan, mikkangchi uamangni kam doani jeba ong·china uamangan 2012-o apsan level post-o napgiparangnade senior ba a·gipi officer-rang ong·sogen ine HC rai on·aha.
Meghalaya Civil Service (MCS)-ni mamlako, court of Chief Justice, Sanjib Bannerjee-ni donganio hearing-ko dakangaha.
Indakeba nikatna gita man·a je, Meghalaya Civil Service Rules, 1975-ni Rule 16 (4)-o pangchake, Department-ni tarigipa inter-se Gradation List-o 2012 bilsio kamo ja·man napgiparangkosa, 2010 bilsio napsogiparangna senior bata ba a·gipi bata ine ra·ani gimin sakbri MCS Officer-rang writ petition-ko on·aha, jemangan 2010-o kamo rimnapako man·ahachim.
Sakbri MCS officer-rangni legal counsel Arnold G. Momin agana je 2012-o kamo rimnapako man·giparang marks bang·bate man·ani gimin uamangko senior officer-rang ine ra·aniara kakket ong·ja, 2012-o kamo napgiparangde 2010 bilsio kamo napsogiminrangna mamingdakeba senior ba a·gipi ong·na man·ja ineba Momin aganaha.
