SHILLONG: Meghalaya Legislative Assembly-ni Budget Session-ko re·baenggipa March 4 tarikoni 17 tarikona ong·atanggen.
Mongolbar salo Business Advisory Committee-ni tom·aniko ong·atani ja·man kobor ra·timgipa manderang baksa agangrikengon, Assembly-ni budget session-ko ong·atanio sal 10-na kam ka·ani salrang donggen aro salsnikode government business-na done salbrikode private member-rangni business-na donskagen ine Assembly-ni Speaker Metbah Lyngdoh parakataha.
Business Advisory Committee-ni tom·anio a·dokni Deputy Chief Minister aro Parliamentary Affairs Minister Prestone Tynsong baksana Opposition dolni dilgipa Mukul Sangma aro sakgni MLA-rang, chong·motan Ampareen Lyngdoh aro Balajied Kupar Synrem-ba dongpae bakko ra·angaha.
March-ni 4 tariko Assembly-ni budget session-ko a·bachengatanio Meghalaya a·dokni Governor Satya Pal Malik, Assembly-o aganprakanggen.
Budget session-o Governor-ni aganprakanggipa kattarangni gimin jera ra·anirangna aganchakaniko on·angani ja·man March-ni 9 tariko a·dokni Chief Minister Conrad K Sangma, 2021-22 bilsina tarigimin budget-ko Assembly-ona ra·angskagen.
