TURA: ICAR-Central Institute of Fisheries Technology-ni dakchake on·anichi salgittamna na·tok ripoani kolrangko chalaiani bidingo skie on·na gita re·anggipa February 25 tarikoni 28 tarikona, East Garo Hills a·jani KVK, Williamnagar-o donggipa Fisheries department-ni Training Hall-o training program-ko ong·atangaha.
KVK-o ia gital na·tok ripoani kolrangko man·soahani gimin ia salgittamna ong·atanggipa program-o, agan-skie on·aniko aro dakmesokanirangkoba dakangaha.
Ia na·tok ripoani gital kolara Cochin-o donggipa ICAR-Central Institute of Fisheries Technology-ni a·bachengate on·gipa kol ong·a aro ia gital kolko konta 3 ba konta 4-ni gisepon bang·bea na·tokrangko ripona gita tariahachim.
Ia salgittamna ong·atanggipa training program-o gimik sak 24 me·chikrang skie ra·angaha aro uamangna East Garo Hills KVK-ni Head aro Senior Scientist Dr Brijendra Singh Rajawat baksana Fisheries department-ni Superintendent Helparine Sangma, NABARD-ni District Development Manager Sobita Devi, Fishery Officer Oliver Kangku Sangma, Agricultural Engineering Dr S Nirupama Chanu, Dr Milind B Katare aro gipin officer-rang skie on·angaha.
Na·tok ripoani kolrangko chalaiani bidingo EGH-ni me·chikrangna skie on·a
Date:
Share post:
