SHILLONG: Meghalayao Sonibaro salo sak 25 manderang Covid sabisiko man·dapaha aro apsan salni bakon sak 21 gipinrang sabisioni nampilskaaha aro saksa covid sabisini a·sel siangaha.
Sonibar salo Covid sabisi man·dapgipa sak 25-oni East Garo Hills-o sak 2, East Jaintia Hills-o sak 2, East Khasi Hills-o sak 3, Eastern West Khasi Hills-o sak 1, Ri-Bhoi-o sak 8, South West Khasi Hills-o sak 3, West Jaintia Hills-o sak 4 aro West Khasi Hills-o sakgni.
Mijalo sak 21 manderang Covid-oni nampilaha, uamangoni East Garo Hills-o sak 1, East Khasi Hills-o sak 7, Ri-Bhoi-o sak 1, South West Garo Hills-o sak 1, South West Khasi Hills-o sak 6, West Garo Hills-o sak 1, West Jaintia Hills-o sak 4 aro West Khasi Hills-o saksa.
Unomitingo mijal salni bako East Khasi Hills district-o covid sabisini a·sel saksa siangtaiaha.
Meghalaya a·doko Covid sabisiko man·gipa gimikde sak 93,582 ong·ahachim, uamangoni sak 91,852 manderangde sabisioni an·sengpiltokaha aro sak 1,583 manderang sabisio uamangni janggirangko gimaataha, Covid man·gipa da·oba sak 147 dongkuenga.
Meghalayao Covid man·e donggipa sak 147-oni East Garo Hills-o sak 9, East Jaintia Hills-o sak 7, East Khasi Hills-o sak 32, Eastern West Khasi Hills-o sak 1, North Garo Hills-o sak 20, Ri-Bhoi-o sak 32, South Garo Hills-o sak 2, South West Garo Hills-o sak 5, South West Khasi Hills-o sak 3, West Garo Hills-o sak 10, West Jaintia Hills-o sak 15 aro West Khasi Hills-o sak 11 dongkuenga.
