SHILLONG: Russiani napdrae dakgrikeani a·sel dakgrik dinggrikani ong·enggipa Ukraine-o poraigipa Meghalayani sak 43 chatro chatrirangoni sak 42-de Indiaona sokbatokaha, unomitingo saksade Ukraine-ni songsul Poland-o uni bakdilrang baksa dongrikna gita aganaha ine Chief Minister Conrad K Sangma Sombaro aganaha.
Ukraine-o poraigiparangoni saksa mijal pringo India-ona sokbaaha. ‘‘Ukraine-o poraigipa Meghalayani sak 43 chatro chatrirangoni sak 42-de tom·tome Indiaona sokbatokaha, saksa mangmang Poland-o uni bakdilrang baksa dongrikaha’’ ine CM tweet ka·aha.
Indake ong·engon, Meghalaya undake Indiani manderangko rimongkatbana gita rakbee kamrangko ka·ani gimin Chief minister Conrad Sangma, Ma·mong aro Prime Minister Narendra Modi-ko mittelataha.
