SHILLONG: Gimik political party-rangan mikkang bilsi 2023 Assembly election-na tarisoengon, United Democratic Party (UDP)-ba election-na bilaken tarisoenga, aro chu·gimik ge 60 Assembly seat-rangon susanaba gnang.
Party chief Metbah Lyngdoh-ni parakatani gitade, sakbri sakbonga sitting legislator-rang, United Democratic Party (UDP)-o napna sikaniko parakaha. Iana kamrangko nirokenga aro uamang baksa mikkangchi maidake kam ka·anggen iani gimin chanchiangen ineba UDP-ni chief aganaha.
Indake ong·engon re·baenggipa election-o UDP, gipin party baksa susanio kenani dongama ine sing·on, Metbah, indine aganchakaha, “UDP mangrakgipa dol ong·a aro bang·a manderangni chakpaaniko man·enga. Chanchisoa gitan re·a ong·ode, chinga chu·gimik ge 60 seat-rangon susanaba gnang.”
Minggipin re·baenggipa antigni ba antigittam somoini gisepo party State Election Committee-ko songgen aro party-ni a·gipi dilgiparang baksa election-o chakatna kragipa ba bilsokgipa candidate-rangni gimin chanchirimgen.
