SHILLONG: North Eastern Hill University (NEHU)-ni ning·o donggipa pilak college-rangon undergraduate course-rangna Common University Entrance Test (CUET) porikkako sena nangengoba, ia bilsio Higher School Leaving Certificate (HSSLC) porikkako seenggiparangoni sak 600-mangni gitasan chatro chatrirang da·o dipet, ia CUET porikkana register ka·engkua.
NEHU-ni PRO Dr David Pyngrope-ni parakatani gitade, ia bilsio HSSLC porikkako seenggiparang gimik sak 30,000-na baten chatro chatrirang dongachim indiba da·o dipet CUET porikkana register ka·giparang sak 600-mangsan ong·engpiti.
Ia CUET porikkana form-rangko gapatani bon·kamgipa tarikara May 6 tarikan ong·engahachim ine nikna man·a.
Indake ong·engon, Meghalaya a·doko NEHU-ara damsamangmang central university ong·paengani gimin UGC-ni dongimin niamrangko ja·rikna nangaia ine Dr Pyngrope parakataha.
Ia CUET porikkako ra·na gita UGC, National Testing Agency (NTA)-na pakwatmanaha ineba NEHU-ni PRO parakataha.
CUET porikkana form-rangko gapatani bon·kamgipa tarikara May 6 tarikon ong·engahani gimin ta·raken CUET portal-o register ka·china gitaba ua NEHU-ni college-rango undergraduate course-na admission ra·na nangenggipa chatro chatrirangko didiataha.
Dr Pyngrope-ni u·iatani gitade, CUET-na register ka·anio dakna nanggni niamrangko NEHU-ni //nehu.ac.in/Central-
Indake ong·engon, Meghalaya a·dokko ia CUET 2022-oniko watchina gita dingtangmancha ma·mong sorkari baksa agangrikchina Jaintia Students Union (JSU)-ni dilgiparangba, Meghalaya sorkariko didiataha.
