SHILLONG: Khasi Jaintia Christian Leaders Forum (KJCLF) adita salrangna skang All Saints Cathedral, Shillong-o tom·aniko ong·atenba a·doko joa kal·anina niam ra·gatgipako ra·galpilchina gita sorkario dabiangaha.
A·doko joa kal·na gita niamrangko ra·gate on·genchimode songsalko namen nosto ong·atgnok. Joa kal·aniara, janggi tanganio namgijaniko ra·baa. Uasan ong·aija, bang·a dingtang dingtang cholrangchi dos dakanirangko ra·badapgen aro manderangko kangal cholgri ong·atna kenchakani gnang aroba bang·ani nokdangrangko nosto ka·gnok aro kajia golmal ong·atgen ineba KJCLF a·kange aganaha.
A·dokna namroro silroroaniko ra·bana gita sorkario bang·a dingtang dingtang cholrang donga indiba joa kal·aniko niam ra·gatenchimode batesa songsalna gimaaniko ra·bagen aro songsalni chadamberangko bang·en nosto ka·gen ineba ine Forum kenchakani kattarangko aganaha.
Bading chiwalaniko dakgipa politician-rang tangka paisa man·ani cholrangkosan niataia, indiba iandakgipa niamrangko ra·gatora mikkangchi songsalna mai ong·baskagen uarangkode nikatskaja. Unigimin iani bidingo Giljarang pilakan ku·rang on·na nanga ineba KJCLF didianiko dakangaha.
Meghalaya Regulation of Gaming Act 2021-ko ra·galchina KJCLF agana
Date:
Share post:
