TURA: International Yoga Day-ko manisamsoani bak gita Tura-ni Field Outreach Bureau, dingtangmancha Mini Integrated Communication & Outreach Program (ICOP)-ko Sukrobar salo, Tura-ni Lokpriya Gopinath Bordoloi (LGB) Secondary School-o ong·atangaha.
Bilsiantian International Yoga Day-ko a·gilsak gimikon June jani 21 tariko manirongengachim aro ia salko manisamsoani bak gita Tura-ni Field Outreach Bureau, ia program-ko ong·atangaha.
Ia program-ko ong·atanio Tura Civil Hospital-ni Yoga aro Naturopathy Physician (AYUSH) Dr Sambu Aryal, jinmana aganprakangengon, Yoga-ara India a·songon a·bachenggipa ong·e a·songo songdongenggipa manderangni mingsa dakbewal ong·a aro ian mandeko gisik aro be·enni gita an·seng rakkina dakchakgipa ong·achim indiba ia sal somoirango a·songo songdongenggipa manderang ia namgipa dakbewalko gualangengaha ine an·tangni suk ong·gijaniko parakataha.
Ia sal somoirango a·songni manderang Yoga kal·aniko ja·rikjahani a·selan ma·manti sabisi sakanchirangko man·ningbatenga ineba Dr Aryal aganaha.
An·tangtangko an·seng baljoke rakkina aro gisikni gita pangnan an·seng dongna Yoga-ko kal·jringchina gitaba ua program-o bak ra·giparangko aro mongsongbate chatro chatrirangko didiangaha.
Int’l Yoga Day-ko manisamsoani bak gita Tura-o program-ko ong·ata
Date:
Share post:
