SHILLONG: Batanggimin salrangonin Meghalaya a·dokni dingtang dingtang biaprango mikkarang jimbee waenganichi manderangni sianirangko aro dingtang dingtang a·sel ong·anirangko nikna man·engahani gimin ia bilsio a·dok sorkarina bang·en koros ong·naba gnang ine a·dokni Revenue & Disaster Management Minister Kyrmen Shylla parakataha.
Meghalaya a·dokni dingtang dingtang biaprango aro mongsongbate Ri Bhoi, Khasi aro Jaintia Hills a·jarango, mikkarang jimbee waanganichi rama jal·langrangni nosto ong·anirangko, a·arangni be·dapanirangko, manderangni bagan-barirang nosto ka·ako aro adita sak manderangni sianiko nikna man·angahachim.
Indake ong·engon, iandakgipa a·sel ong·anirangna sorkari, bang·en tangka paisarangko koros ka·na nanggnok ine Revenue & Disaster Management Minister parakataha.
Shylla-ni parakatani gitade, a·doko mikkarang jimbee waenganichi da·o dipet Ri Bhoi aro East Khasi Hills a·jarang nangchakeaniko man·batahachim.
Noksan ong·atako man·gipa nokdangrangna tangka paisarangko on·pilskana gita sorkari ta·raken kamko ka·gen aro niamo pangchake sianggipa manderangni nokdangrangnaba sorkari tangka paisarangko on·gen ine Shylla parakataha.
Da·ororo salantian mikkarang jimbee waengani a·sel bilsi gittamna skangmangmang matchotgipa Mawlai Bypass-oba Budbar salo, nosto ong·anirangko nikna man·ahachim.
Iandake rama jal·langrangni nosto ong·anina kamrang namjani gimin matnanggenma ine sing·on, da·o dipet iani gimin darangkoba matnangna man·jawa indiba kamko ka·gipa contractor-rang niam gita ka·jaenga ong·ode nanga gita sorkari ja·kuko de·na nanggen ine Shylla parakataha.
Meghalaya a·doko iandakgipa a·selrang ong·rongani gimin National Disaster Response Force (NDRF)-ko donkamna gita nangenga ineba Revenue & Disaster Management Minister parakataha.
Mikkarang jime waanichi a·sel ong·anirangna bang·en koros ong·gen: Kyrmen
Date:
Share post:
