SHILLONG: (UNI) Meghalaya Chief Minister Conrad Sangma, Meghalaya Regulation of Gaming Act, 2021-ko ra·pilna miksongani dongjaenga.
“Chinga ia Act-ko ra·galpilode, chalaina maming dongjawa aro kror 8-10-na man·gni kajinarangko gimaatgen,” Pa Sangma aganaha.
A·doko ia gambling Act-ko sorkarini ra·gatani gimin bang·a political party-rang, church organisation-rang aro pressure group-rang jegaltoka aro ia Meghalaya Regulation of Gaming Act, 2021-ko ra·galpilchina gita dabitokaha.
Skangonin dongbaenggipa gambling Act-ko ra·gatna nangani dongja, jean batanggimin bilsi 25-oni a·doko dongbaenga ine Pa Sangma aganaha, jackpot aro online gita joa kal·anirang a·doko skangonin dongbaenga, jerangon a·dokna maming kajina gamani dongjaengachim, ua agandapaha.
“Anga parake agansrangna, chingna kajina nanga. Maina a·doko kajina man·anirang komia, chinga chu·gimikan kamaianio aro kajinarangko pangchaka jerangan ma·mong sorkarioni sokbaa. Re·baenggipa mikkangchi dal·bea neng·nikanirangko chagronggen maina a·ningni gamrangoniko chingni kajina man·anirang tang·onaha, bang·a kamrangko jako ra·engaha iarangko chalaina tangka paisarangko nanga,” Chief Minister aganaha.
