SHILLONG: South Tura constituency-o party-ni kosako matnange agangipa BJP state vice president Bernard Marak-ko NPP state president, Wanwei Roy Kharlukhi, matnangatskaha.
BJP state vice president, NPP-ko BJP-ni bimingko nosto ka·na jotton ka·enga, mongsongbate Garo Hills a·jolo, BJP-ni bimingko nosto ka·enga’, ine matnangaha.
NPP-ni dilenggipa Meghalaya sorkario BJP, komigipa ba chongipa dol ong·a.
“Bakrime sorkari rikgipao NPP aro BJP bakrimgipa ong·genchimoba, Garo Hills a·jaode BJP-ko opposition party dake chanska aro chingko district council-onikoba chel·e dona. Chinga iarangni bidingo jrip dongjawa,” ine Marak aganaha.
Indake ong·engon Bernard-ni agangipa kattarangna aganchakatanio Rajya Sabha-ni MP Kharlukhi indine aganskaha, “bilsigni skangan kam ka·anirango suk ong·ja ong·ode MDA sorkarioni ong·katna man·aigen, ine aganahachim. Indiba uamang an·tangan sorkario bakrimkuenga, haida sorkarini kam ka·anio maming neng·nikani dongjaenba bakrimkuenga.”
Ian election-ni somoi ong·ani gimin, Bernard ia kattarangko aganaha, uni agangipa kattarangara BJP-ni ong·ja ineba agandapaha.
“Bernard an·tang chena miksongesa South Tura-o iandakgipa kattarangko aganenga ine Kharlukhi agandapaha.
