TURA: East Garo Hills a·jao a·ana golmal ong·e sakgipin mandeko gitok sote so·otani gimin Bristibar salo dos dakgipa mandena kachari, janggi tanga gimik pattoko donchina raiko on·ataha.
East Garo Hills a·jani Superintendent of Police (SP) Bruno A Sangma-ni u·iatani gitade, 2018 bilsini June 26 tariko, Sengran D Shira minggipa mande saksa, East Garo Hills a·jani Cheran Alda songo, a·ana golmal ong·e, Balkulin Ch Momin minggipa mandeko gitok sote so·otahachim. Ia mandeko so·otna jakkalgipa ruako man·ani ja·man police-rang, dos dakgipa mandeko rim·e uni kosako mokordomako ka·ahachim.
Uandaken Bristibar salo, East Garo Hills a·jani District & Sessions Judge M Skhemian, Sengran D Shira-ko dosi chanenba, uko janggi tanga gimik pattoko donchina rai on·ataha.
 |
ReplyForward
|
