SHILLONG: Adita salrangna skang, Tura-ni Edenbari jolo donggipa Tura-ni BJP MDC Bernard Marak-ni bagan, jekon manderang Rimpu Bagan (RB) ine mingtokachim, ia baganko police-rangni chadrapeani gimin a·dokni Chief Minister aro South Tura-ni MLA Conrad K Sangma-ko matnangengon, ia kamo Chief Minister ba sorkari maming jak dongja indiba police-rangsa, ia bilsini a·bachengachibara ua biapo bi·sarangko kragija dake kal·akani gimin sakkirangko chimonge ia biapko chadrapeaha ine Sombar salo a·dokni Deputy Chief Minister Prestone Tynsong parakataha.
Tynsong-ni parakatani gitade, ia bilsini February jao ong·anggipa a·selni bidingo police-rang nanga gita sakkirangko chimongchenge man·ani ja·mansa Tura MDC-ni baganko chadrapeaha aro ia biapo ong·gija dake rogipa manderangko aro ma·manti bosturangko rim·na man·aha.
Tura MDC-ni baganko chadrapanio Chief Minister-sa jak donga ine matnanganiko jegalatengon, police-rangni kamo sorkari maming dakeba jak on·paani dongja aro pilak kamrangon niam gitasa kamko ka·china ge·etaniko on·ronga ine Tynsong parakataha.
“Ia a·selni bidingo haida Tura-ni MDC politics kal·na miksonganirang donga indiba sorkaride, police-rangni kamo jak on·pana man·ja aro niam gita kamko chu·sokatna nangao ga·aka,” ine Deputy Chief Minister aganaha.
Re·baenggipa bilsini Assembly election-o Tura-ni BJP MDC Bernard Marak, a·dokni Chief Minister Conrad Sangma baksa South Tura constituency-o susana siengachim ine nikna man·a.
Indake ong·engon, BJP MDC-ni ia cholko ra·e Chief Minister-ko matnanganina uamang kene dongenga ong·ja ine a·dokni Deputy Chief Minister aro NPP-ni national vice president Prestone Tynsong parakatskaaha.
“Uni baganko chadrapna gita sorkarisa ge·etaniko on·aha ine ua chanchienga ong·ode ua FIR ka·na man·aiachim,” ineba Tynsong aganaha.