Shillong: Indian Council of Social Welfare (ICSW) Meghalaya Branch, Sonibar salo Shillong Pinewood Banquet Hall-o Golden Jubilee-ko ba bilsi 50 gapaniko maniangaha. Social Welfare Department-ni Commissioner & Secretary Shri Pravin Bakshi, tom·anio chief guest ong·e bak ra·angaha aro Social Welfare Department-ni Director Shri D.D Shira, guest of honour ong·e bak ra·angskaha.
Uandake tom·anio aganprakataon, Shri Pravin Bakshi, Indian Council of Social Welfare (ICSW) Meghalaya Chapter-o kam ka·anggipa aro da·o ka·enggipa memborrangko songsalni namgnina kam ka·ani gimin nama sikaniko on·aha. Una agreba ICSW-o kam ka·anggiminrangkoba songsalni namgnina dangdike on·angahani gimin de·mittelataha. Uamangni pre-school aro creche-ko a·bachengatani a·sel community-na namgni ong·aha, ine aganangaha.
Programme-o ICSW, Meghalaya branch-ni Secretary Smt. Democracy Lyngwa, Indian Council of Social Welfare (ICSW) Meghalaya branch-ni itihas, aro bilsi 1972-oni a·bachengbaani aro re·mikangni gimin agan-talate on·angaha.
Golden Jubilee-ko maniao ICSW-o kam ka·anggiparang aro da·o ka·enggiparangna mande ra·anikoba dakangaha.
