SHILLONG: Mongolbar salo, Meghalaya a·dokni Chief Minister Conrad K Sangma, Union Home Minister Amit Shah-ko New Delhi-o grongenba, a·doko nangchakegipa kamrangni bidingo agangrikangaha.
Union Home Minister-ko grongeani ja·man kobor ra·timgipa manderang baksa ku·siliting gita agangrikatengon, a·doko bobil dake chakatgipa Hynniewtrep National Liberation Council (HNLC) dol baksa agangrikenggipani bidingo aro Meghalaya-Assam a·dokni simarango tom·tomaniko ra·bana gita gnigipa changna agangrikenggipani bidingo Union Home Minister-na talate on·aha ine Chief Minister Conrad Sangma parakataha.
“HNLC bobil dolko tom·tomaona rimbapilna gita agangrikaniko a·bachengatenggipa gimin aro a·dok damgnini simarango ong·enggipa golmalrangko namatna gita gnigipa changna dolgni sorkarirangni agangrikaniko a·bachengatgipani bidingo anga Union Home Minister-na talate on·baaha,” ine Sangma parakataha.
HNLC bobil dolni vice chairman Manbhalang Jyrwa-ni dilanichi ia dolni sakbonga dilgiparang, ma·mong aro a·dok sorkari baksa agangrikaniko a·bachengna a·dokona re·bae dongengahachim ine nikna man·a.
HNLC bobil dolni dilgiparang, re·anggipa jaon skanggipa agangrikaniko sorkari official-rang matchotmanahachim.
“Bobil dol baksa agangrikaniko a·bachengatna kamrangko ka·enga aro chinga kamrangko ta·rakatna jotton ka·enga. Indiba ia kamrangara altua ong·ja aro chinga ia kamo pilak dolni manderangkon bak ong·atna nangnikenga. Ia agangrikaniko chinga name matchotatna ka·dongenga,” ine a·dokni Chief Minister parakataha.
Assam a·dok baksa gnigipa changna agangrikani bidingo janapatskaengon, bangki dongkuenggipa jolrangkoba namatna gita bakan a·dok damgni, dolgittam regional committee-rangko songgnok,” ine Sangma parakataha.
A·doko nangchakegipa kamrangni bidingo CM, Amit Shah baksa agangrika
Date:
Share post:
