TURA: Sonibar attam 8:00 bajioni Sombar pring 5:00 bajiona kingking Tura Municipal Board (TMB)-ni jabol chimonggipa garirang kam ka·jaengani gimin Sonibar attam 8:00 bajioni Sombar pring 5:00 bajiona kingkingde jabolrangko ramarango skatang galjachina gita TMB-ni Chief Executive Officer RR Marak, Tura jillao songdongenggipa manderangko mol·molataha.
CEO-ni parakatani gitade, Robibar salo jabol chimonggipa garirang dongjani gimin Tura jillani dingtang dingtang gittimrango songdongenggipa manderang jabolrangko ramarangosa galskaenga aro iani a·sel giljarangchi aro nangana re·ruraenggipa manderang neng·nikanirangko chagrongna nangtokengachim.
“Uni gimin Tura jillao songdongenggipa aro dokkan dakenggipa manderangko Sonibar attam 8:00 bajioni Sombar pring 5:00 bajionade jabolrangko ramarango galjachina mol·molatenga. Jabolrangko an·ching Sonibar attam 8:00 bajina skang galskana man·gen,” ine Marak parakataha.
Je gittimrangonan jabol chimonggipa garirang re·angengachim, uandakgipa gittim ba biaprangode jabolrangko skatang ramarango galgija garirango gate watatchina gitaba TMB-ni CEM mol·molataha.
