SHILLONG: Meghalaya a·doko niam gri koelarangko bikotama bikotjaenga ukode name ma·sija indiba niam gri koela salruraanirangde dongengkua ine a·doko niam gri koela badinganiko sandirokdilgipa Justice (Retd) BP Katakey parakataha.
Iani bidingo ua Meghalaya High Court-na on·atgipa report-oba janapahachim ineba Katakey parakataha.
“A·doko koelarangko niam gri bikotama bikotjaenga anga name aganna man·ja indiba mingsakode anga namen ma·sia aro uan a·doko niam gri koelarangko salengkua. Iani bidingo anga High Court-na on·atgipa report-oba janapaha,” ine ua aganaha.
Meghalaya a·doko bang·en niam gri koela salruragipani bidingo case-rangko ka·ahani gimin iako sorkariba ra·chakna nangchongmota ineba Katakey aganaha.
“A·doko niam gri koela salruraani dongjagenchimode case-rangko segatanian dongsrangjawachim,” ine ua aganaha.