Election sepangbaengon, political dilgiparang rakbate kam ka·engjok

SHILLONG: Assembly election-na somoi sepangbarikrikengon, political dilgiparang aro election-o chakatnasienggiparang bilakbate kamrangko ka·tokenga.
MLA -rangsan ong·aija, election chakatnasienggiparangba gimikan a·doko eleciton-na campaign ka·aniko a·bachengataha. Politician-rang noksik-nokbak jolrangona re·roe programme-rango bak ra·enga, iarangna agreba tournament-rangko ong·ata baksan an·tangtangni constituency-rango voter-rangko salna gita dingtang dingtang project-rangko oprakate on·enga.
Indake ong·engon MLA-rang, mongsongbate rakbate kam kam ka·enga, uamang an·tangtangni constituency-rangon wene manderangko grongenga aro uamangna somoiko on·e neng·nikarangko knae ra·enga. Jedakode manderangni mikkango namnika dake mesokna jotton ka·beenga.
Minggipin Sonibar salo songjinmani MLA, salsaon minggittam dingtang dingtang programme-rango bak ra·aha, election-ni somoiode politician-rangni indakpile rake kam ka·aniko nikna man·ronga. Apsan daken gipin MLA-rangba programme ge·antiona bak ra·na gita sokenga, jedakode uamang manderangna an·tangtangni kattarangko sokatna miksonga.
Mitam MLA-rangde school function-rango bak ra·enga, aro mitam MLA-rang an·tangtangni constituency-o jedakgipa project-rangko oprakate on·na man·a, uarangko ta·raken oprakate on·enga.
Uandake election chakatenggipa candidate-rang, jemangan MLA ong·kujaenga, uamangba voter-rangko salna gita nokantiona re·roroe campaign ka·enga. Secretariat-oba Minister-rangko niknan neng·engjok, uamangba an·tangtangni constituency-rangona wenange manderangko grongenga.
Iarangni gisepon Election Commission-ba election-ko ong·atna tarisamsoaniko a·bachengataha.