TURA: A·chik a·songo gimaroroangenggipa kawatte badinggipa mande sakgittamko Budbar salo, South Garo Hills a·jani manderang rim·na man·aha.
Police-rangni u·iatani gitade, koborko man·soani ja·man Baghmara Wildlife department-ni official-rang baksa am·sandianirangko dakengmiting somoio ia mande sakgittamko rim·na man·aha aro uamangoniko kawatte mangsako jokatna gita man·aha.
Rim·ako man·gipa manderangara bilsi 24 ong·gipa Belty K Sangma, bilsi 32 ong·gipa Sengjrang M Marak aro bilsi 25 ong·gipa Brestwel K Sangma ong·achim.
Indake ong·engon, iani bidingo police-rang ning·tubate am·sandianirangko dakengkua ineba South Garo Hills a·jani police-rang u·iataha.
