SHILLONG: Meghalaya a·dokni skotong Shillong songjinmaoba Airtel-ni 5G Plus service-ko re·anggipa Sonibar salo, a·dokni Chief Minister Conrad K Sangma a·bachengate on·angaha.
Da·o dipet Airtel-ni 5G service-ko Shillong songjinmani mitam biaprangosan man·engkua aro ia biaprangara, Laitumkhrah, Lapalang, Nongrah, Governor House, Lummawbha, Jaiaw Laitdom, Pines Colony (Laban Red Cross), Mawpat, Riat Sohkhlur aro uandakgipa mitam biaprang ong·a.
Airtel official-rangni u·iatani gitade, Airtel-ni 5G service-ko bakan Shillong songjinmani pilak biaprangon on·na gita uamang kamrangko ka·engaha.
Meghalaya a·doko nambatsranggipa aro ta·rakbatsranggipa 5G network-ko on·na gita Airtel kam ka·enga ineba official-rang parakataha.
Da·o dipet Airtel company-an salgro salaram a·dokrangode 5G service-ko on·chenggipa company-ba ong·engachim.
Airtel-ni 5G service-ko a·bachengate on·angani somoio a·dokni Chief Minister, jinmana aganprakengon, Meghalaya a·dokoba da·o 5G service-ko a·bachengatahani gimin sorkarini dingtang dingtang kamrang jekai, an·seng baljokaniko on·ani, gama ge·ani aro uandakgipa kamrangko nambate ka·na man·gnok ine parakataha.
