Meghalaya-ni BSF niamgri ba·ra badinggiparnagko gari bol 2 baksa rim·a

Shillong: Ia bilsini January 20 tariko Meghalaya-ni BSF, niamgri ba·ra (Sarees) badinggipa jeni damrangan lak 24-na batachim, uarangko Meghalaya-ni East Khasi Hills-ni sima ario rim·aha, uamang Bangladesh-chi niamgri badingangna jotton ka·engachim.
Ua ba·rarangko gari bolgnio niamgri badingangengachim, jekon 04 Bn BSF sipairang pyrdwah songoniko rim·aha. BSF-ni manderang ua gari bogniko neng·takna ge·etahachim indiba neng·takgija ta·rake Pyrdwah-chi sale katangna jotton ka·ahachim,   , jean International sima arini ning·o ga·akgipa ong·aha, unon uamangko rikange rim·na man·aha. Aro gari bolgnion ba·ra gapchippile man·aha. BSF-ni sipairang  gariko rikkaha, indiba driver gariko dongale joke kataha.
Ua rim·a man·gipa bosturangko Pynursla-ni custom-na pakwataha, aro PS Pynursla-o FIR-ko segataha, ia mamlani bidingo niamni gita sandirikitanirangko dakangkuaha.    India-ni ba·ra cholarang aro mikkango nonganirango Bangladesh-o bang·en dabianirang dongaha, uni gimin indake niamgrigipa kamrangko nikna man·aha.