Rongjeng: Opposition dilgipa aro AITC-ni mongsonggipa, Dr Mukul Sangma, Sonibar saljatchini somoio NPP dol aro nangrime rikenggipa sorkariko matnange aganangaha, jeon a·doko skulrangko chipenganio sorkari skigiparangko rakkidapjaengani a·sel a·dokni bi·sarangna poraiani a·bao senganiko on·a man·jae chu·sokjaenga aro bang·a hajal bi·sarangan poraia skia gri ong·tokengaha, ine ua agandapangaha.
Rongjeng candidate Sengman M Marak-na campaign ka·angani somoio ua agangrikaniko dakangaha. Marak saksa constituency-ni gitcham MLA ong·a aro re·baenggipa lekka puonani somoina uni candidate-na chakpaaniko on·a Rongchek Akong-ni songona wenangaha.
Mukul, jean West Khasi Hills-ni Mawshynrut-ona aro West Garo Hills-ni Phulbari-ona mijamangmang adasuo East Garo Hills-ona re·bana skang uni party-ni membor-rangna vote-rangko man·a wenangaha. Sak hajal ong·na ampile manderang uko rimchaksoaha aro nama skaniko on·angaha.
“A·songni ia a·dok ge·samangmang jeon changsa teacher kamoni neng·takhaode, uni biapo gapataiani dongjaha. Iani a·selan skulrangko chipangona dilangengaha aro bi·sarangko poraia skia gri ong·atokgnok. Bi·sarang jemingan an·ching namdapata poraia skiani gadangko on·a ku·rakchakachim da·o bi·sarang neng·nikanirangkosa man·engaha. Right to Education niamko tarimanaha aro iako jarikengaha. Mikkangchi a·doko indakgipa manderang jako ra·e ka·angna kraa ine na·a chanchiama,” ine Mukul sing·angaha.
Kamo rakkianganio NPP-ni re·a kragiajgipa, niamgrigipasan ong·ja constitutional-ba ong·ja ine ua agandapangaha.
NPP sorkarini gita poraiani a·bao bi·sarangko watchanggalenga: Mukul
Date:
Share post:
