SHILLONG: West Garo Hills a·jao, BSF aro Meghalaya Police, election-na kamrangko ka·engmiting somoio, sam badinggipa mande saksako rim·ani ja·man, uoniko rong 18,800 Yaba samrangko man·aha.
Koborko on·ani gitade, ia mandeko rim·ani somoio ua Tikrikilla Police Station-ni ning·o donggipa Rangsai songchipakna an·tangni Bolero pick-up gario re·angengachim.
Uni gariko police-rang dongdipatenba, uni ra·bitenggipa bosturangko am·sandion, uoniko ia Yaba samrangko man·aha.
Rim·ako man·gipa mandeara Goalpara-oni saksa Raj Ali minggipa mande ong·achim aro ua ia Yaba samrangko Goalpara-oniko ra·baengachim.
Ia mandeni kosako ja·mano police-rang mokordoma ka·aha ineba u·iataha.
Meghalaya a·doko BSF dolni sipairangkoba election-ni kamrangna donatani ja·man, Meghalaya Police baksa nangrime, gong kror 3.10-mangni gita Heroin, Yaba aro churangko rim·na man·engahachim.
