RESUBELPARA: Budbar salo, Northeast Frontier Railway (NFR) Rangiya Division-ni ning·o donggipa Central Organisation for Railway Electrification-ni official-rang, Mendipathar Railway Station-o Electric Locomotive Train ba bijolichi chalaienggipa rel gariko watna speed trial ba ta·rakaniko dake niangaha.
Ia Electric Locomotive Train-na dake nianiko Mendipathar Railway Station-oni Dudhnoi-ona 65 KMPH ba kontaprako 65 km ta·rakanio dake niangaha aro ia electric locomotive train-ko chalaina gita New Bongaigaon sub-station-oniko 25KV bijoliko salbaenga.
Official-rangni u·iatani gitade, Mendipathar-Dudhnoi railway station-rangna bijolini kamrangko matchotmanaha aro trial run-ko dakani ja·man chubata gadangoni bilko man·ahaode, ia railway station-rangoba bijolichi chalaigipa rel garirangko watgnok.
Iana skang, NFR-ni Principal Chief Electrical Engineer Ravilesh Kumar, ia railway station-ni dingtang dingtang kamrangko niangaha.
Railway station-o dingtang dingtang kamko ka·enggipa manderangnaba ua agan-ku·pattianirangko on·angaha.
Ia railway station-o jakkalenggipa bijoliara namen bilakbegipa ong·ani gimin manderangkoba wire-rangni sambaona re·bajachina aro skatang ostrorangko dangtapjachina gita NFR official-rang mikrakataha.
Mendipathar Railway Station-o Electric Locomotive Speed-ko dake nia
Date:
Share post:
