TURA: Civic Action program-ni bak gita re·anggipa Sombar salo, 120 Battalion CRPF dolni officer-rang, Tura Chandmari Club-ni membor-rangna dingtang dingtang kal·susaani bosturangko suale on·angaha.
Ia kal·susaani bosturangko 120 Bn CRPF-ni Commandant Pramod Kumar Singh-ni dilanichi suale on·angaha aro ia program-o 120 Bn CRPF-ni dingtang dingtang officer-rangba bakko ra·angtokaha.
Iana skang, dingtangmancha CRPF aro Tura Chandmari Club-ni gisepo robol kal·susaanikoba ong·atangaha aro ia kal·susaaniko Tura Chandmari Club cheangaha.
