TURA: Sombar salo, 120 Battalion CRPF-ni Civic Action Program-ko ong·atanio sianggipa sipai Utpal Rabha-ko mande ra·pilskaani chin gita 120 Bn CRPF-ni sipairang, sianggipa sipaini nokdang baksa North Garo Hills a·jani Bajengdoba-o donggipa Thorika SSA LP School-na toilet ba a·pal re·chakani biap dambriko on·gilangaha.
Ia program-ko ong·atanio 120 Bn CRPF-ni Commandant Pramod Kumar Singh aro gipin officer-rang, dingtangmancha sianggipa sipaina mande ra·pilskaanikoba dakangaha.
Ia toilet-rang baksana cycle stand-koba skulni chatro chatrirangna 120 Bn CRPF-ni gita rike on·aha aro ia cycle stand-ko, sianggipa sipai Utpal Rabha-ni ma·gipa Bhakhona Rabha, skulni chatro chatrirangna pakwate on·angaha.
Ia skulna pakwate on·anggipa toilet-rangko sianggipa sipai Utpal Rabha-ni pagipa Brojen Rabha, do·ga oe on·angskaaha.
CRPF sipai dolni ning·o donggipa 209 CoBRA dolni Utpal Rabha, 2018 bilsini July 6 tariko Jharkhand a·doko Maoists bobil dolni manderangko warachakengmiting somoio so·otako man·ahachim. Ua, North Garo Hills a·jani Bajengdoba Police Station-ni ning·o donggipa Thorikapara songoni ong·achim.
Sianggipa CRPF sipaiko mande ra·ani chin gita skulna toilet-rangko on·gila
Date:
Share post:
