Monday, May 12, 2025
spot_img

Roster system-ko ra·gatna skang sorkari name nichengenga: Law Minister

Date:

Share post:

spot_imgspot_img

SHILLONG: Roster system-ko a·doko ra·gatna skangba iani niamrangko sorkari name nichengenga ine Budbar salo, a·dokni Law Minister Ampareen Lyngdoh parakataha.
“Maming ja·kurangko de·na skangba sorkari somoiko ra·chengna nanggen. Uni gimin ka·donggija ong·jachina aro a·dok sorkario bebera·china anga manderangko mol·molenga,” ine Budbar salo, Hynniewtrep Youth Council (HYC)-ni membor-rang baksa tom·e chanchirimani ja·man Lyngdoh parakataha.
Roster system-ko ra·gatchina gita re·anggipa bilsini May jaon High Court, ge·etaniko on·ahani gimin da·o ian bilsisa ong·na sipilengaha ineba Law Minister parakataha.
Lyngdoh-ni aganani gitade, dingtang dingtang department-rang, nanggipa data-rangko chimongani ja·man a·dok sorkari, chu·gimik report-ko High Court-na on·na nanggen.
Roster system-ko ra·gatgija donchengchina dabienggipani gimin sing·on, da·o dipet iani bidingo mamingkoba ku·rachakna man·kujawa ine Lyngdoh parakataha.
“Roster system-ko ra·gatgija donchengna man·ama man·jawa chinga name nichengna nanggen. Jeko dakgenchimoba chinga pilakni gitan namgni ong·na gitasa ja·kuko de·gen,” ine ua aganaha.
HYC-o ainni gimin u·i-ma·sigiparang dongani gimin ua HYC-ni membor-rangko grongna tik ka·aha ineba Lyngdoh parakataha.
“Uamangko anga grongna jechakgenchimode uan angni gita gualani ong·genchim. Anga saksa minister ong·e uamangni chanchiani aro ku·pattianirangkoba knatimna nanga indiba ian High Court-ni on·gimin raisa ong·ani gimin chinga mamingkoba sikkele dakna man·jawa,” ine Law Minister aganaha.
Lyngdoh-ni aganani gitade, kacharini ge·etaniko man·ani ja·man gitcham sorkaride Roster system-ko ra·gatna ja·ku de·ahachim.
Roster system-ni gimin pilak dolrang baksa agan-chanchirimchina HYC-ni dabienggipani bidingo sing·on, iani bidingo nambate chanchirimna gita iaba mingsa chol ong·enga ine Lyngdoh parakataha.

spot_imgspot_img

Related articles

Miley Cyrus addresses ‘rumours’ on relationship with mom, dad

Singer-songwriter and actress Miley Cyrus shared a rare public statement on her Instagram Stories, addressing false claims about...

Financial ‘anomalies’ under central scheme

SHILLONG, May 11: Large-scale financial irregularities, manipulation of official records, and misappropriation of public funds under the centrally...

Sports Snippets

Neeraj-led four Indians to compete in Doha Diamond League Doha, May 11: Star Indian javelin thrower Neeraj Chopra will...

Preity thanks spectators for being calm after IPL match was cancelled

Actress Preity Zinta showed her gratitude to the officials for ensuring everyone’s safe departure from Dharamshala after the...