SHILLONG: Bristibar salo, Bharatiya Janata Party (BJP)-ni bilsi 44 gapaniko Shillong-ni BJP office baksana Khasi, Jaintia aro Garo Hills-ni pilak Mandal-rangon maniangaha.
Shillong-ni BJP office-o BJP-ni nisanko, state president Ernest Mawrie, songdoe on·angaha aro ia manianio state office bearer-rang, state executive membor-rang, Morcha-ko dilgiparang, district president-rang, Mandal president-rang aro a·dokni dingtang dingtang biaprango BJP-na kam ka·enggiparangba bakko ra·angtokaha.
BJP-ni bilsi 44 gapaniko maniani bak gita Baba Saheb Ambedkar-ni atchiani salko gisik ra·na gita dingtangmancha a·song gimikon Sewa Hi Saptah-koba re·baenggipa April 14 tarikona ong·atenga aro ia program-ko a·bachengatanio NPP-ni national president JP Nadda, internet gita a·song gimikni BJP membor-rangna aganprakatengon, bilsi 44-na BJP-ni re·mikkangbaani bidingo aro chu·sokatgipa kamrangni bidingo aganangenba, indita bilsirangna dangdike on·ahani gimin BJP-na kam ka·enggipa manderangko mittelpilangaha.
BJP-ni bilsi 44 gapaniko manianio a·songni Prime Minister Narendra Modi-ba internet gita BJP-ni membor-rangna aganprakatengon, BJP-ko a·bachengdilgipa manderangni kamrangko gisik ra·atpilangenba, mikkangchiba a·songni namroro silroroanina BJP kam ka·angkugen ine parakataha.
