SHILLONG: A·dokni skotong Shillong-o G20 nations-ni gita Space-20 programme topic-o meeting-ko ong·atna am·engani gimin namen tarisoenga. Meeting-ko ong·atani sal somoirang sepangbarikrik, tarianirangba batrikrikenga.
Shillong-o, mongsonggipa gimik ramarangko tarisoenga, Guwahati-Shillong ramakoba rong nonge nitoataha aro pakmarangkoba silsile tarisoenga.
Songjinmani bang·a biaprangona street light-rangkoba namdapatenga indiba Lumdiengjri-oni Rhino point-ona sokgipa ramani street light-rangoni mitamrang teng·genchimoba andalkuenga. Apsan daken mitam jolrangni light-rang kam ka·gija dongenga.
Uandake Umroi Shillong Airports-ni terminal-ko rong nongenga aro infrastructure-rangko namdapatenga. Kobor man·soani gita meeting-na niksenggipa scientist aro chugipa gadango kam ka·giparang chartere flight gita sokbagen.
Salgnina ong·atnasienggipa meeting-o space partnerships maidake India-ni economy-o on·gilna man·gen iani gimin chanchirimaniko dakanggen. A·gilsakoni dingtang dingtang bakrangoni scientist-rang Shillong-ona sokbagen.
Ia programme-ara G20 a·songrangni National Space Agencies-ni ong·atgipa Space Economy Leaders’ Meeting-ni bak ong·a.
