BAGHMARA: Sombar salo, South Garo Hills a·jani District Legal Services Authority (DLSA), NALSA Meghalaya-ni dakchakanichi, International Labour Day-ko, Baghmara bazaar-o manidilangaha.
Ia International Labour Day-ko maniani bak gita tom·aniko ong·atanio, Baghmara-ni Labour Inspector Prabakar M Sangma, jinmana aganprakangengon, register ka·e kamrangko ka·e cha·enggipa manderangna an·seng baljokani aro gipin namgnirangko on·na gita Labour department, Building & Other Construction Workers Welfare Scheme-ko a·bachengataha ine parakataha. E-Shram, Maternity Benefits, Medical Assistance aro uandakgipa dingtang dingtang scheme-rangni giminba ia tom·anio ua jinmana agan-talate on·angaha.
Ia tom·anio Baghmara WP-ni SI Respina A Sangma-ba jinmana aganprakengon, Police department-ni gita kam ka·e cha·enggipa manderangna on·enggipa dingtang dingtang namgnirangni gimin agan-talate on·angskaaha.
Ia salko manianio dongpae jinmana aganprakanggipa gipin manderangara, Florence R Sangma, Milan M Sangma aro gipinrang ong·a.
