U·IATTIMGIPAONI
TURA: West Garo Hills a·jao aro Tura jillao bijoli kimitani somoiko Bristibar sal dipet Meghalaya Energy Corporation Limited (MeECL), adita dingtangattaiaha.
Gital dongimin somoini gitade, da·o Tura jillao wal 11:00 bajioni pring 2:00 bajiona, pring 4:00 bajioni pring 7:00 bajiona aro attamo 3:00 bajioni 5:00 bajiona gimik konta chet ka·e bijoliko kimitskaengaha.
West Garo Hills a·jani gipin biaprangode wal 11:00 bajioni pring 2:00 bajiona, pring 4:00 bajioni pring 7:00 bajiona, pring 10:00 bajioni pring 11:00 bajiona aro attam 2:00 bajioni attam 5:00 bajiona gimik konta 10 ka·e bijoliko kimitskaengaha.
Meghalaya a·doko chu·onga gita mikkarang wakujaskalde bijoli kimitaniko dontongna man·kujawa ine a·dokni Power Minister AT Mondal parakatmanahachim ine nikna man·a.
