TURA: South Garo Hills a·jao Meghalaya Environment Restoration Fund (MERF)-ko songni Nokma, kragija dake ra·gatani a·sel komibeoba nokdang 15-ni manderang, an·tangtangni a·arangko gimaatna nangaha ine Robibar salo, Siju-Rongara constituency-ni gitcham MLA Rophul S Marak matnangataha.
Iani bidingo South Garo Hills a·jani Deputy Commissioner-na badi ka·e sedoatengon, Rongkandi Adiagittimni Nokma aro gipin manderangko Siju-Rongara-ni gitcham MLA matnangataha.
“National Green Tribunal (NGT)-ni ge·etanio pangchake, niam gri koelarangko bikotanio nangchakegipa biaprango bol wa·arangko tangatpilna gita Meghalaya Environment Restoration Fund (MERF)-ko ra·gate on·ahachim indiba ia songrango kragija dake ia scheme-ko ra·gatani a·sel, songni manderang, an·tangtangni bagan barirangko gimaatskana nangaha,” ine Marak parakataha.
Marak-ni parakatani gitade, ia project-ko jako ra·e ka·enggipa department-rang baksa songni Nokma, kragija dake ia scheme-ni kamrangko ka·ahani a·sel komibeoba ia songni nokdang 15-ni manderang, an·tangtangni gamchatbegipa bagan barirangko gimaatna nangaha.
“Jatni dakbewal rikbewalo pangchake ia a·arangko songni Nokma, ia nokdangrangna on·ahachim indiba a·a pattarangkode on·jaha. Ia nokdangrang, ia a·arango ma·manti bol wa·arangko ge·na gita bilsi 40-na skangan songgigrikahachim indiba ia biaprangko MERF-na seokanichi indita bilsirangna dal·bagimin bol wa·arangko den·e galtokaha. Iara maikai ia nokdangni manderangna ra·chakna man·gni ong·gen?” ine Siju-Rongara-ni gitcham MLA sing·doataha.
Ia MERF project-na niam gri koela bikotanichi nangchakegipa a·arangkosa ba porongrong ong·gipa biaprangkosa seokna nangachim indiba songni Nokma, buring bolgrimrang donggipa biaprangkosa seokahani a·sel songni manderang, namen noksan ong·na gita nangaha ineba Marak parakataha.
Iani bidingo ta·raken inquiry-ko dake, songni nokma aro dingtang dingtang official-rangni kosako nanga gita ja·kurangko de·china gitaba ua didiataha.
SGH-o MERF project-chi mitam nokdangrang a·arangko gimaatna nanga
Date:
Share post:
