TURA: Bristibar salo, Reserve Bank of India (RBI)-ni gita Financial Literacy-ni bidingo District Level Quiz program-ko Tura-ni Burny Hills-o donggipa Hotel C N C-o ong·atangaha aro ia Quiz-o adita salrangna skang ong·atanggipa Block Level Quiz-o chegiparang bakko ra·angaha. Ia district level Quiz program-ko ong·atanio Block ge·antionin chatro chatri sakgni bakko ra·angaha.
A·songo tangka paisarangko jakkalani bidingo manderangna u·iatna kam ka·ani bak gita ia quiz-ko RBI ong·atangahachim.
Ia District Level Quiz competition-o West Garo Hills, North Garo Hills, East Garo Hills aro South West Garo Hills a·jaranoni gimik dam 8 block-rang bakko ra·angaha aro ia quiz competition-o chegiparangna trophy aro certificate-rangko on·angaha.
Ia District Level Quiz-o chegiparang da·o State Level Quiz competition-o bak ra·angskagnok aro uni ja·man state level-o chegiparang, national level quiz competition-o bakko ra·angskagen.
Ia quiz competition-ko ong·atanio SBI-ni Regional Manager Abhijit aro LDM Pijush Brahma dongpae bakko ra·angaha aro ia quiz-ko Shillong RBI-ni LDO Sharmishtha baksana Bakdil-ni official saksa dakdilangskaaha.
