TURA: Garo Hills Autonomous District Council (GHADC)-o finance rule aro service rule-rangko ra·gatchina dabianirangko knachakjaengani gimin aro GHADC-o kam ka·enggiparangna dormaharangko chu·gimik on·kujaengani gimin Budbar salo, Niksamso Garo Community Organisation (NGCO)-ni gita office picketing ka·aniko a·bachengataha indiba ja·mano GHADC-ni dilgiparang aro district administration-ni official-rang baksa tom·e chanchirimanio, NGCO-ni dabianirangko chu·sokate on·na ku·rachakaniko man·ahani gimin salsnina office picketing-ko dontongatchengaha ine NGCO-ni president Tengrak R Marak parakataha.
GHADC-o finance rule aro service rule-rangko ra·gatchina dabienggipani bidingo janapatengon, GHADC-o da·onan finance rule dongkujaengani a·sel, Garo Hills-o namroro silroroaniko ra·bana gita ma·mong sorkarini chame on·atenggipa tangka paisarangkoba dilgiparangan skatang jakkale bon·atenga aro ia tangka paisarangko koros ka·ani bidingo maming hisaprangko rakkijaenga ine NGCO-ni president talataniko on·angaha.
GHADC-o kam ka·enggiparangna dormaharangko chu·gimik on·kujaengani gimin janapatskaengon, kam ka·enggiparangni man·na nangenggipa dormaharang da·o ja 28 ong·pilengahani a·sel nokdangtangtangko chalanio neng·nikanirangko chagrongna nangtokenga aro iani giminsa uamang, GHADC-o kam ka·enggiparangna ta·raken chu·gimik dormaharangko on·china dabie office picketing-ko ong·atenga ine NGCO-ni president parakataha.
“GHADC-ni kosako office picketing ka·aniko dontongchina chingko mol·molahani gimin chinga Budbar attamoni picketing ka·aniko dontongchengaha. Indiba salsnini gisepo chingni dabianirangko GHADC-ni dilgiparang chu·sokate on·jagenchimode ba chingna ku·rachakanirangko on·na man·jagenchimode, office picketing ka·aniko a·bachengatpiltaigen aro nanggenchimode ja·mano Garo Hills gimikni NGO-rang aro dingtang dingtang a·king nokmarang baksa jinma tom·e chanchirimenba rakbata ja·kurangko de·angskagen,” ine Marak parakataha.
GHADC-ni kosako office picketing ka·aniko salsnina dontongatchenga
Date:
Share post:
