RESUBELPARA: June-ni 22 aro 23 tarikrango salgnina District Industrial Exhibition-ko North Garo Hills a·jani District Commerce & Inustries Centre (DCIC), Mendipathar-ni Babupara-o donggipa Industrial Estate-o ong·atangaha.
Ia Industrial Exhibition-ko ong·atanio dingtang dingtang jakni bosturangko tarigipa manderang bakko ra·angaha aro an·tangtangni sol·e repe tarigipa bosturang, atte gitchirang, ba·ra kancharang, jewellery, cha·ani bosturang, biterangoniko tarigimin churang aro uandakgipa bosturangko mesokangaha.
Ia exhibition-ko ong·atanio dingtangmancha doka dam·anirangchiba manderangko an·saoatangaha.
Ia Industrial Exhibition-ko a·bachengatani salo, North Garo Hills a·jani Additional Deputy Commissioner JRT Sangma, mongsonggipa sokgipa ong·e bakko ra·angaha aro ia salgnina ong·atanggipa exhibition-o dingtang dingtang department-ni officer-rangba bak ra·angtokaha.
