SHILLONG: Indiaoniko Bangladesh-ona badingsrukangenggipa mang 37 matchu-matterangko mikrake dongsogipa Meghalayani BSF sipairang Mongolbaro International sima ariogipa East Khasi Hills-ni biap damsao rim·rikaha.
Dingtangmancha timsoe niroksoaniko dakenggipa 193 Bn BSF sipairang, mang 37 matchu-matterangko International sima ario rim·soaha, jerangko cha·u badinggiparang Bangladesh-ona ra·angtokengachim.
BSF sipairangni rikako man·e, matchu cha·ue badinggiparang matchu-matterangko watgale katangtokaha. Rim·rikgimin matchu-matterangko Police Station-na pakwatataha. BSF, sima arigita ga·batgrike ong·gija kam ka·anirangko champengna gita mikrake nitimenga.
