U·IATTIMGIPAONI
SHILLONG: Meghalaya sorkari, Official-rangni gipin a·songona wenangani (Foreign Visits) bidingo gital office memorandum-ko on·aha.
Office Memorandum (OM)-o janapani gita, a·dok sorkarini official-rang dingtang dingtang bidingo ba nangnikanina gipin a·songrangona wenangnaba gnang, jekai conference, entrepreneur-ni delegation-ko dilanga, India sorkarini ong·atgipa tom·anirango bak ra·na sokanga, bilateral MoUs-o bak ra·a, traning & capacity building for implementation of Externally Aided Projects, training & capacity building program ba uandakgiparango bak ra·naba donga.
Gipin a·songrangona re·ange dingtang dingtang tom·anirango bak ra·na cholko man·aniara official-rangni seng·a-u·ianiko bariata, indake ong·engon official-rangni gipin a·songrangona wenanganiko komiatna nangnikani nakata, maina ian economy-o bilongen nangchaka.
OM-o dongimin niam gita, A·dok sorkarini je official-rangni contractual staff-ko man·gope gipin biapona wennako bilsio changgniona komiataha. Official-rangko gipin a·songona ba biapona watatengon ua official-ni wenangani history ba itihasko OM-na on·chapna ba mesokna nanggen.
OM-ni gita, changgni wenangaoni changsani korosko a·dok sorkari sponsor ka·aigen, ge·gipin songreani korosko India sorkari ba external agency gamskana nanggen. Externally Aided Project-ni gita wennanganiba ia category-o napgen.
Official-rangko gipin a·songona wennangako changgniona komiataniara, a·dok sorkari-ni palo watata man·gipa official-rang jemanga award-ko ra·chakna songrea uamangnasan ong·aigen.
Songrea changantian officer, uni songreani report-ko Administrative Department-na on·na nanggen.
